"TOK" Akdang kumakatok

\

"TOK"   akdang Tula na Kumakatok ni John Dexter Asedillo

 Tok!Tok! sa pintua'y kumakatok,

Hihingi ng tulong hindi pag-aamok- - -

Biktima ng maruming kapalaluan;

Ang simbulo ng baluktot na lipunan...

Daming kinatok ay wala pang magbukas,

Baka sapitin pa sa pag-gamit ng dahas- - -

Tao po! Tao Po! sanay pakinggan mo;

Pananambitang dulot ng pagsusumamo. . .

Ilang pinto pa ba ang dapat katukin???

Upang mithiin ko sa wakas ay dinggin- - -

Wari'y mga bingi at walang duminig;

Sa pagsaklolong abot langit ang tinig. . .

Tok!Tok! sa pintua'y kumakatok,

Silakbong nagbaga ng mga himutok- - -

Tamaan sana ang gobyernong bulok;

Hinaing na sa ami'y nagsilbing dagok...

Sa huli'y magbubukas din ang pintuan,

Paraisong langit ang kahahantungan- - - 

"TOK"   akdang Tula na Kumakatok ni John Dexter Asedillo

               hilagyongpagkasi.blogspot.com