"HILAGYO NG PAGKASI" [TULANG PAG-IBIG NI JOHN DEXTER ASEDILLO]

"HILAGYO NG PAGKASI"     [TULANG PAG-IBIG NI JOHN DEXTER ASEDILLO]

BAKIT BUHAT NG IKA'Y AKING NAKITA,

DI KA NA MAWALA SA AKING GUNITA???

PARA BANG TULOG KONG PUSO'Y NAGAMBALA;

IKAW NA NGA ANG HILING KO KAY BATHALA. . .

SAYONG MGA MATA AKO'Y NAAAKIT,

AT KAWANGIS NITO'Y BITUIN SA LANGIT- - -

'PAG KAUSAP KA DILA'Y NAPIPILIPIT;

NAHIHIYA KAPAG IKA'Y LUMALAPIT. . .

ANG TINIG MONG KA'Y LAMBING SA'KING PANDINIG,

NAMUMUTAWI'Y TILA MAGANDANG HIMIG- - -

WARI BA'Y ISANG IBON NA HUMUHUNI;

PIHIKAN KONG PUSO IYO NGANG NAHULI. . .

NAGULUMIHANAN YARING AKING PUSO,

HILING LANG AY PAGBIGYAN 'YARING PAGSUYO- - -

NGUNIT 'DI MASABING SAYO'Y MAY PAGTINGIN;

'PAGKAT KAY'BIGAN LANG ANG TURING MO SA'KIN..........

TIGIB NG PANGLAW YARING AKING DAMDAMIN
,NANGALILINLANG SIMBUYONG UMALIPIN- - -
BIHAG AKO NG IYONG MGA PALAD;
AT PAGKASING 'DI KO MAGAWANG ILAHAD. . .

HANGGANG SA MAMATAK ANG 'YONG MGA LUHA.
NG MATANTO MO ANG AKING NADARAMA- - -
NABATID MONG AKI'Y AKING SINISINTA;
DI MAAPUHAP ANG DALA NG PANGAMBA. . .

NAGTANGIS ANG DAMDAMING NANGUNGULILA,
WARI BA SA PUSO  KO'Y MAY UMIIWA- - -
DI KAYANG PIGILIN ANG IKA'Y MAHALIN;
PAGBIGYAN MO SANA ANG PAGKASI'Y DAMHIN. . .

BUMALIK KA SA'KIN AT MULING LINGAPIN,
HILING KO KAHIT MINSAN AKO AY DINGGIN- --
YAKAPIN MO AKO KAHIT ISANG SAGLIT;
SA PUSO KO'Y NGALAN MO ANG NAKAUKIT. . .

HIHINTAYIN KO ANG MULI MONG PAGDATING.- - -
UPANG LUHA SA PUSO KO AY PAWIIN...................    

HILAGYO NG PAGKASI

                                 [TULANG PAG-IBIG NI JOHN DEXTER ASEDILLO]