HABANG SUMASAYAW ANG ISDA SA DAGAT,
ANG PUSO KO'Y UMIINDAK SA PAGKAMULAT---
TINIG NG UMAAWIT NA MGA IBON;
SUMASALIW SA MUSIKA NG DAPIT-HAPON. . .
SA DAMPI NG PAG ALI-ALIYUNG HANGIN,
RAMDAM KO ANG HIGPIT SA AKIN- - -
ANG ARAW AY NAKANGITING NAGMAMASID;
PANIBAGONG YUGTO SA ATIN AY HATID. . .
WANGIS NG MAGARBONG BULAKLAK SA HARDIN,
KAAKIT-AKIT AT KA'Y SARAP SAMYUIN- - -
AT KAHIT SAAN PA MAN KITA IHAMBING;
SA'YO NAKALAAN AKING PAGLALAMBING. . .
SA PABUGSO-BUGSO NITONG AKING PUSO,
WALANG KAHULILIP ALAY KONG PAGSUYO- - -
MAGING KAHIT ANO AY AKING GAGAWIN;
AT MAGING KAHIT SAAN AY LULUSUNGIN. . .
MAPATUNAYAN LANG NA PAGSINTAY TAPAT,
HANDA AKONG IBIGAY LAHAT NG SAPAT- - -
ANG MAPAGKANDILING LIWANAG NG ARAW;
SAKSI SA PANGAKONG 'DI AKO BIBITAW. . .
MAGING SA KALUNGKUTAN 'DI KITA IIWAN,
KADAMAY NATIN ANG PAGLUROK NG ULAN- - -
AT KAHIT ILANG BAGYO PA ANG DUMAAN;
ASAHAN SAYO'NG TABI AT PAPAYUNGAN. . .
KAPWA MASISILAYAN ANG BAHAGHARI,
NA MAGBUBURA NG INIWANG PIGHATI- - -
MAGBUBUKAS NG SILONG NG KALANGITAN;
MULING AAWIT IBONG NAGLILIPARAN. . .
HAWAKAN MO LAMANG ITONG AKING KAMAY;
MAGPAPATULOY SA ATING PAGLALAKBAY- - -
"SILONG' (AKDA NI: JOHN DEXTER ASEDILLO) [07/24/13]
Walang komento:
Mag-post ng isang Komento